المعلومات الشخصية (العنوان والوظيفة):
سوبرانو وأستاذة غناء
الدائرة:
البقاع الثانية
القطاع السياسي:
البرلمان
السنة:
2022
المقعد:
الماروني
القائمة الانتخابية:
قادرين
الموضوعات الانتخابية الرئيسية:
"عم إحلم بدولة بتهتم بناسها وبتزعل إذا فلّوا.
عم إحلم بدولة بدها الخير لشعبها مش بتسرق شعبها وبترجع بتبيعه بالرخص هو والبلد.
عم إحلم بدولة بتاخد منا ضرايب مش ل تعمل فينا ضروبة.
عم إحلم بدولة المواطنين والمواطنات متساويين بكل حقوقهم.
عم إحلم بدولة عندها هيبة وشخصية وما بتخاف او بتتخبّى ورا حدا
عم إحلم بدولة بتوعد وبتوفي.
عم إحلم بدولة فيها كهربا على طول وحنفيات بينزل منها ميّ للشرب.
عم إحلم بدولة بتحاسب فيها المسؤول اذا غلّط أو بالقليلة بيستحي فيها المسؤول من المواطنين وبيفِلّ..
عم إحلم بدولة بتشجّع الناس ينتجوا ويقوّولها إقتصادها.
عم إحلم بدولة مش شحّادة.
عم إحلم بدولة ذكية بتلاقي حلول مع ناسها.
عم إحلم بدولة متواضعة، مسؤوليها بيسوقوا سياراتهم لحالهم من دون مئات المرافقين والحرس .
عم إحلم بدولة ما فيها كراسي معلّق فيها زُعما.
عم إحلم بدولة ما فيها زواريب وشوارع مكتوبة بإسم طوايف.
عم إحلم بدولة مدنية يلّي مين م كان فيه يعمل شو م كان حسب قدراته ومهاراته وشهاداته مش حسب طائفته أو واسطته او حزبه او زعيمه.
عم إحلم بدولة نكون كلنا فيها مواطنين ومواطنات عايشين بكرامة ومنحترم بعض ومنحترم كل الأجانب
من عُمّال ولاجئين.
عم إحلم ببلد بيقدّر الفن والثقافة.
عم أحلم ببلد ما بيستحي يقول إنه هو ضدّ العنصرية وضد الطائفية المريضة.
عم إحلم ببلديات يكونوا أعضاءها مش بس موجودين للوجاهة بالضيعة ويكونوا بس نجحوا بفحص إملاء عند قائمقام.
عم إحلم ببلد حابب يقول لولاده أوعى تفلّوا !!! عنّا شغل كتير وبدنا نبني سوى لبنان.
عم إحلم بدولة بتعرف مين ساكن فيها وشو عددهم وشو بيعرفوا يعملوا.
عم إحلم ببلد بيعرف يدافع عن حاله.
عم بحلم ببلد فينا نشرب فيه كاسة بيرة مصقعة بحيالله منطقة او شارع من دون م نخاف من حدا ما بيحبّ يشربها أو بتعملّه حساسيّة.
عم بحلم بدولة يكون فيها المسؤول مش ناسي انه هو بيشتغل عند الناس ومش شايف حاله عليهم بتقديم خدمات الهم… أو بتوزيع كراتين ونطرة ع درج بيتُه.
أنا إسمي غادة غانم. دارسة حقوق بجامعة القديس يوسف بلبنان وغناء أوبرالي بأميركا.
كنت من أول المنتسبين لمواطنون ومواطنات في دولة سنة ٢٠١٦. انتُخبت عضو ببلدية ضيعتي صغبين بذات السنة وبسنة ٢٠١٨/٢٠١٩ شاركت ببرنامج لتمكين المرأة في العمل السياسي برعاية الحكومة الألمانية ولجنة شؤون المرأة في لبنان.
صوتي السوبرانو بيرفض يسمع نشاز لا بالغناء ولا بالحكي ولا بالمنطق. وحتى لو البلد مليان نشاز، ما بدّي فِلّ.
بدّي ضلّ وشوف حالي إني ساهمت ببناء دولة مدنية لكل المواطنين والمواطنات مع الرفاق. "
عم إحلم بدولة بدها الخير لشعبها مش بتسرق شعبها وبترجع بتبيعه بالرخص هو والبلد.
عم إحلم بدولة بتاخد منا ضرايب مش ل تعمل فينا ضروبة.
عم إحلم بدولة المواطنين والمواطنات متساويين بكل حقوقهم.
عم إحلم بدولة عندها هيبة وشخصية وما بتخاف او بتتخبّى ورا حدا
عم إحلم بدولة بتوعد وبتوفي.
عم إحلم بدولة فيها كهربا على طول وحنفيات بينزل منها ميّ للشرب.
عم إحلم بدولة بتحاسب فيها المسؤول اذا غلّط أو بالقليلة بيستحي فيها المسؤول من المواطنين وبيفِلّ..
عم إحلم بدولة بتشجّع الناس ينتجوا ويقوّولها إقتصادها.
عم إحلم بدولة مش شحّادة.
عم إحلم بدولة ذكية بتلاقي حلول مع ناسها.
عم إحلم بدولة متواضعة، مسؤوليها بيسوقوا سياراتهم لحالهم من دون مئات المرافقين والحرس .
عم إحلم بدولة ما فيها كراسي معلّق فيها زُعما.
عم إحلم بدولة ما فيها زواريب وشوارع مكتوبة بإسم طوايف.
عم إحلم بدولة مدنية يلّي مين م كان فيه يعمل شو م كان حسب قدراته ومهاراته وشهاداته مش حسب طائفته أو واسطته او حزبه او زعيمه.
عم إحلم بدولة نكون كلنا فيها مواطنين ومواطنات عايشين بكرامة ومنحترم بعض ومنحترم كل الأجانب
من عُمّال ولاجئين.
عم إحلم ببلد بيقدّر الفن والثقافة.
عم أحلم ببلد ما بيستحي يقول إنه هو ضدّ العنصرية وضد الطائفية المريضة.
عم إحلم ببلديات يكونوا أعضاءها مش بس موجودين للوجاهة بالضيعة ويكونوا بس نجحوا بفحص إملاء عند قائمقام.
عم إحلم ببلد حابب يقول لولاده أوعى تفلّوا !!! عنّا شغل كتير وبدنا نبني سوى لبنان.
عم إحلم بدولة بتعرف مين ساكن فيها وشو عددهم وشو بيعرفوا يعملوا.
عم إحلم ببلد بيعرف يدافع عن حاله.
عم بحلم ببلد فينا نشرب فيه كاسة بيرة مصقعة بحيالله منطقة او شارع من دون م نخاف من حدا ما بيحبّ يشربها أو بتعملّه حساسيّة.
عم بحلم بدولة يكون فيها المسؤول مش ناسي انه هو بيشتغل عند الناس ومش شايف حاله عليهم بتقديم خدمات الهم… أو بتوزيع كراتين ونطرة ع درج بيتُه.
أنا إسمي غادة غانم. دارسة حقوق بجامعة القديس يوسف بلبنان وغناء أوبرالي بأميركا.
كنت من أول المنتسبين لمواطنون ومواطنات في دولة سنة ٢٠١٦. انتُخبت عضو ببلدية ضيعتي صغبين بذات السنة وبسنة ٢٠١٨/٢٠١٩ شاركت ببرنامج لتمكين المرأة في العمل السياسي برعاية الحكومة الألمانية ولجنة شؤون المرأة في لبنان.
صوتي السوبرانو بيرفض يسمع نشاز لا بالغناء ولا بالحكي ولا بالمنطق. وحتى لو البلد مليان نشاز، ما بدّي فِلّ.
بدّي ضلّ وشوف حالي إني ساهمت ببناء دولة مدنية لكل المواطنين والمواطنات مع الرفاق. "
مجالات الخبرة:
عضوٍ ممفد منذ تأسيس الحركة وعضو في بلدية صغبين.
بريد الالكتروني:
تعليم:
حقوق بجامعة القديس يوسف بلبنان وغناء أوبرالي بأميركا جامعة رايس، هيوستن/ تكساس
